PAHIBALO SA MGA SENIOR CITIZENS KAG MGA BENEFICIARIES:
Ang pension sang aton mga Senior Citizens ara sa jurisdiction sang DSWD Region 12 Office. Sila ang naga schedule sang mga releases kag sila gid ang naga-disburse sang pension. Wala na ini ginapaagi o gina-download ang pundo sa aton Local Government Unit base ini sa DSWD Memorandum Circular No. 16, otherwise known as “Amendment to MC No. 4, Series of 2019 Re: Omnibus Guidelines in the Implementation of the Social Pension for Indigent Senior Citizen”, kag ang release sang social pension pagahimoon kada tatlo(3) ka bulan o kada quarter. Ang Local Government Unit sang Sto. Nino sa pagpamuno ni Mayor Solly F. Villalobos wala sang poder nga magpugong/magpamalabag o magpa-delay sang mga releases sang pension sang aton mga Senior Citizens kundi nagabulig pa si Mayor Solly Villalobos sa pag-facilitate agud mapahapsay kag mapadali ang pagpa-release sang mga pension. GINALIWAT NATON NGA ANG PAGPA-RELEASE SANG MGA PENSION SANG MGA SENIOR CITIZENS ARA SA PODER SANG DSWD REGIONAL OFFICE, WALA SA ATON LOCAL GOVERNMENT SANG STO. NIÑO.
Kon may pamangkot parte sa pension sang aton mga Senior Citizens, magkadto lang sa opisina sang aton Office of the Senior Citizens Affairs (OSCA) o Municipal Social Welfare and Development Office (MSWDO) o magtawag sa Telepono 235-1208 or cellphone number: 09068105033 kag pangitaon ang aton Municipal Social Welfare and Developmet Officer, Maam Ignacia L. Formacion, OSCA Head, Mr. Ariston Jr. A. Panaligan.
Madamo gid nga salamat!